Elton John va actuar en Barcelona n’ochobre de 2020

Elton John va actuar en Barcelona n’ochobre de 2020
07 ochobre 09:04 2019 Imprimir

Sir Elton John va actuar en Barcelona l’añu que vien. L’artista británicu acaba d’anunciar que la so xira mundial Farewell Yellow Brick Road va visitar dos nueches la capital catalana con un doble conciertu’l 2 y el 3 d’ochobre de 2020.

Les entraes van salir a la vienta’l próximu xueves 10 d’ochobre, anque dos díes antes podrá aportase a la preventa dende la web oficial de LiveNation.

La xira de despidida de los escenarios de Elton John lleva en marcha desque arrincó en septiembre de 2018 n’Estaos Xuníos, siendo un ésitu tantu de públicu como de la crítica. Ta previstu, pel momento, qu’el tour allargar hasta’l 2021 en completando más de 350 conciertos.

Los conciertos en Barcelona van siguir el cercu del restu d’actuaciones que s’han vistu nos cinco continentes. Elton John va repasar col so pianu y los sos llamativos looks los sos 50 años de carrera tocando los sos ésitos más importantes, como yá fixo en Madrid esti pasáu mes de xunu.

A lo llargo de la so vida, el británicu collechó 38 discos d’oru, 31 de platino y vendió más de 300 millones de discos en tol mundu, una cifres que la asitien como unu de los artistes con mayores vientes de tolos tiempos. “La mio vida camudó y les mios prioridaes camudaron. Les mios prioridaes son los mios fíos, el mio home y la mio familia”, dixo’l compositor na rueda de prensa qu’ufiertó antes d’empecipiar esta xira en Nueva York, onde recordó la infección bacteriana que la obligó a atayar el postreru tour n’Estaos Xuníos y pola que tuvo que ser hospitalizáu.

  Categories: