ConceyosMúsica El XXXVIII Certame Coral Villa d’Avilés axunta a nueve agrupaciones by redacción asturnews 22 de payares, 2022 written by redacción asturnews 22 de payares, 2022 3,3K El XXXVIII Certame Coral Villa d’Avilés axunta a nueve agrupaciones d’Asturies, Madrid, Barcelona, Valladolid, Albacete y Toledo que van actuar a lo llargo d’esta fin de selmana nel Auditoriu de la Casa de Cultura. Unu de los acontecimientos culturales de mayor tradición d’Avilés, torna fiel a la so cita de cada payares: el Certame Coral Villa d’Avilés, qu’algama la so XXXVIII edición, entamáu pola Asociación Coral Avilesina y la conceyalía de Cultura d’Avilés. Participen nueve mases corales d’Asturies, Madrid, Barcelona, Valladolid, Albacete y Toledo, esti sábadu y domingu, 26 y 27 de payares, nel Auditoriu de la Casa de Cultura. Foi presentáu esta selmana por Yolanda Alonso, conceyala de Cultura d’Avilés, acompañada por José María Vázquez Gavito secretariu de l’Asociación Coral Avilesina. Alonso destacó “la calidá que marca’l desempeñu del certame, una de les nueses actividaes qu’alimenten el reconocíu corazón musical d’Avilés, cola participación de mases corales que van apinar les mires del siempres esixente y entendíu públicu de la nuesa ciudá”. El sábadu, el certame va empezar a les 19 hores, cola participación de delles siguientes agrupaciones: Coru Encanto, de Madrid; Grupu Vocal Masculín B-Tenors, de Valladolid; Coru Nuevu del Conservatorio de Sant Cugat, de Barcelona; Coru de voces graves Quercus Robur, d’Albacete, y Coru de Voces de Toledo. El domingu, dende les 12 hores, ye la vez de les mases corales locales, col siguiente orde: Coru Amigos de Sabugo, Coral Polifónica San Félix, Coru Castillo de Gauzón, y va cerrar l’Asociación Coral Avilesina. Cada coro, d’alcuerdu a les bases, tendrá d’interpretar una obra sacra, una obra de temática asturiana, una obra de la so rexón d’orixe y una obra de temática llibre. El xuráu ta conformáu polos profesionales de la música Iván Carriedo, Eva Ugalde, Guillermo Martínez, Basilio Astúlez y Ana González, y va ser l’encargáu de la difícil xera de resolver el ganadores, con unos premios que nesta edición xuben a un total de 4.250 euros, partíos de la siguiente forma: 1º 2.000€ y troféu Exmo Ayto d’Avilés 2º 1.000€ y troféu Óptica Balbuena 3º 750€ y troféu A. C. Avilesina Premiu Axuntábense a la interpretación d’una obra asturiana con placa y 250 € (FECORA) Premiu del públicu “Gonzalo Casielles “, 250€ A.C.Avilesina Les entraes pa poder asistir podrán adquirise cada unu de los dos díes, a un preciu de 5 euros, na taquilla de la casa de Cultura. Más información 0 FacebookTwitterPinterestEmail Anterior L’Ensemble 4.70 ufierta un conciertu en La Pola siguiente Avilés va acoyer los Premios Nacionales d’Innovación y Diseñu Tamién te podria gustar Iniciativa pol Asturianu y Barbón desixen a Adif... Semando Son amuesa’l nuevu folk asturiano L’Atles llingüísticu del Navia-Eo ponse n’accesu llibre El Trasiegu Fest va tener un mercáu con... Tatxers, Skabidean y la nueva escena musical Navarra... Aína entama’l cursu políticu con un actu n’Uviéu Algaire repite l’éxitu del 2022 en Lorient Ventanielles y Guillén Lafuerza van ser una “Fábrica... La Banda Gaites de Castrillón ufrió’l so repertoriu... Fitoria torna nueve años depués a brillar en...