Portada Conceyos El XXXIX Gran Desfile d’Antroxos, Moxigangues y Carroces, protagoniza’l Martes de Antroxu

El XXXIX Gran Desfile d’Antroxos, Moxigangues y Carroces, protagoniza’l Martes de Antroxu

by redacción asturnews

Esti Martes de Antroxu la fiesta n’Avilés va tener el so protagonista absolutu nel Gran Desfile d’Antroxos, Moxigangues y Carroces, una de les actividaes señeras y de les que más públicu axunta poles cais de la ciudá. Algama la so edición XXXIX, y va empezar a les 18.30 hores na cai José Cueto.

L’actor, showman y cantante Alberto Rodríguez repite al frente como maestru de ceremonies. Col so habitual humor, va ser l’encargáu de presentar un desfile multitudinario y festivo, al calor de “Los llocos años, venti…de Folixa”, con xarrés, charangues y la diversión y espectacularidá de gángsteres, baillarinos y baillarines de charlestón y tolos paxellos que viaxen a empiezos del sieglu pasáu.

Dende la so salida en José Cueto, el desfile va avanzar hasta la plaza de la Mercé, pa siguir pola cai y plaza de Pedro Menéndez, xirar y enfusase en La Muralla y, finalmente, xubir por La Cámara hasta llegar a la Plaza d’España y xubir al escenariu central, onde’l Xuráu va tomar nota y volorará los meyores disfrces nes distintes categoríes: individual, pareyes y grupu.

Un añu más, los meyores antroxos que participen nel desfile van tener pagu, gracies al concursu nel que se va valorar la so calidá, orixinalidá y esfuerzu. Va Haber un total de nueve premios dotaos con un total de 2.960 euros, estremaos en trés categoríes -grupos (de 400 a 1.000 euros), pareyes (de 100 a 280 euros) ya individuales (de 70 a 150 euros)-. Para participar nun ye necesaria inscripción previa.

Coles mesmes, mientres tol día, les cais van cuntar cola animación de les fanfarries Dexe’l Pasu, El Felechu, Pepe’l Chelo, Paentamala, Picante, Menudos Notes, El Ventolín y Perkusiona Escola.

Restricciones de tráficu

Con motivu del Gran Desfile de Antroxos, Moxigangues y Carroces, mañana’l estacionamiento de vehículos va quedar acutáu de la forma siguiente:

A partir de les 13.00 hores va quedar prohibíu’l estacionamiento de vehículos nes siguientes víes:

Cai de José Cueto, nel so tramu entendíu ente les cais José Antonio Rodríguez y la cai de la Cámara.
Cai de la Cámara, nel so tramu entendíu ente les cai José Cueto y la cai d’a Cámara.
Plaza de la Mercé, nel so marxe esquierdu según el sentíu de la marcha (númberos 5 y 6).
Cai de Pedro Menéndez .
Plaza de Pedro Menéndez, nel llateral de la plaza de Abastos.
Cai de La Muralla, nel tramu entendíu ente la plaza de Pedro Menéndez y la cai de La Cámara.

Circulación de vehículos:

A partir de les 18.00 hores, y hasta la finalización del desfile, va quedar prohibida la circulación de vehículos nes cais José Cueto, Plaza la Mercé, cai y plaza de Pedro Menéndez, cai de la Muralla, cai de la Cámara y cai Emile Robín.
A partir de les 18.00 hores va quedar acutada la circulación de vehículos autorizaos a residentes y comerciantes pel área piatonal de la plaza d’España, cai de la Fruta dende la so confluencia cola cai del Sol hasta la Plaza d’España, cai Rivero hasta la so confluencia cola cai Pablo Iglesias, cai de la Ferrería dende la so confluencia cola cai Xovellanos hasta la Plaza d’España y cai de San Francisco.

Tamién te podria gustar