Portada Conceyos El XXVI Certamen San Agustín de Cerámica repasa la trayectoria de Jesús Castañón Loché y Ángel Domínguez-Gil

El XXVI Certamen San Agustín de Cerámica repasa la trayectoria de Jesús Castañón Loché y Ángel Domínguez-Gil

by redacción asturnews

Una de les actividaes señeres de la programación cultural d’Avilés, el Certame San Agustín de Cerámica, cumple nesti 2021 el so XXVI edición, y facer con una esposición homenaxe a Jesús Castañón Loché y Ángel Domínguez-Gil Xuliana, sol títulu de “In Itinere”, que s’inaugura esta tarde y va permanecer n’exhibición hasta’l 19 de payares.

Va ser una doble amuesa, a celebrar en dos espacios, el Centru Municipal d’Arte y Esposiciones, CMAE, onde se va amosar la obra de Jesús Castañón, y la Factoría Cultural, na que se va repasar la d’Ángel Domínguez-Gil. Como indica’l mesmu nome de la esposición, tratase d’un percorríu “nel camín” pola obra artística cerámica de los dos creadores asturianos, que siguieron trayectories paraleles, dende los entamos de les sos carreres, hasta’l presente, nun 2021 nel que dambos se xubilaron de los sos puestos como profesores de la Escuela Municipal de Cerámica.

Dambos conociéronse na Escuela de Miranda d’Avilés, y dempués de pasar per distintos centros, la Escuela Municipal de Cerámica volvió xunilos. Asina, esta esposición ye tamién un homenaxe a la so carrera como artistes, y tamién como docentes esenciales nel centru formativu avilesín, una repasada a la so fundamental aportación al arte en cerámica.

L’actu d’inauguración oficial va tener llugar en dambes sedes, de forma diferida. A les 18.30 hores nel CMAE, y a les 19.45 hores na Factoría Cultural. Y dambos artistes van tar acompañaos por Yolanda Alonso, concejala de Cultura d’Avilés.

L’horariu de visita nel CMAE, cola obra de Jesús Castañón, va ser de martes a domingu, de 18.00 a 21.00 hores. Na Factoría, l’amuesa d’Ángel Domínguez-Gil podrá vese de llunes a vienres, de 9.00 a 14.00 y de 16.30 a 21.00 hores. Les dos, gratuites.

Tamién te podria gustar