Portada Fiestes El xuráu falla’l concursu de Llume Navidiego entamáu n’Uviéu

El xuráu falla’l concursu de Llume Navidiego entamáu n’Uviéu

by redacción asturnews

El xuráu del I Concursu de Llume Navidiego axuntóse n’Uviéu pa dar a conocer los galardonaos nes dos categoríes de la competición. El concursu partió 20.000 € en premios; a los primeres clasificaos en cada categoría correspuénden-yos 5000 €, a los segundos 3.000 €, y a los terceros 2.000 €.

Materia Botánico, de Pando Floristes (C/ Fruela, 4) foi’l vencedor na de comerciu; Llenceríes Berta (C/ Palaciu Valdés, 1) llogró’l segundu premiu y La Lleenda del Gallu (C/Altamirano, 9) el terceru. Na categoría d’edificios el primer premiu correspondió a Salazogue Bistronomi (C/San Antonio, 3), el segundu al Hotel Fruela (C/Fruela, 3),  ente que’l tercer premiu recayó na Comunidá de Propietarios de la C/Santa Susana, 11.

Un total de 60 fueron los participantes nesta primer edición del concursu, 48 na categoría de negocios y 12 na d’edificios, partíos por distintos barrios y localidaes del conceyu.

El xuráu que valoró les distintes decoraciones tuvo compuestu por 5 persones del mundu de l’arquitectura y l’arte: Manuel Llinares (pintor), Evaristo Pládanu (periodista y críticu d’arte), Severino Vázquez (secretariu del Colexu d’Apareyadores d’Asturies), María Martín (vocal del Colexu d’Arquiteutos d’Asturies) y Laura Gutiérrez (directora de la Escuela d’Arte d’Uviéu).

Dalgunos de los aspeutos que los xuraos tuvieron en cuenta a la de valorar los participantes nel concursu fueron la creatividá y l’orixinalidá de les instalaciones, la so calidá artística y usu d’elementos innovadores, según l’usu de llume energéticamente eficiente. Dende la Conceyalía de Promoción Económica informaron coles mesmes que la próxima selmana va tener llugar l’actu d’entrega de los cheques a los galardonaos nel Salón de Plenos del Conceyu d’Uviéu.

Tamién te podria gustar