ConceyosConvocatoriesLliteraturaSociedá El xuráu de los Premios Timón 2016 ya tien candidatures by redacción asturnews 14 d'avientu, 2015 written by redacción asturnews 14 d'avientu, 2015 119 El xuráu designáu pa fallar los Premios Timón 2016 esbilló ente, les numberoses propuestes presentaes a l’Asociación Cultural L’Arribada, les ternes venceyaes a les nominaciones en cada categoría. Esther García López, Xulio Berros y Ánxel Álvarez Llano son delles de les candidatures. Asina, pal X Premiu Timón (autores en llingua asturiana o n’eonaviego) la terna fórmenla Esther García López, Xulio Berros y Ánxel Álvarez Llano; pal VII Premio Timón (autores asturianos en castellanu) concurren Pilár Sánchez Vicente, Olvido García Valdés y Herme G. Donis; y pal IV Premiu Timón de Cultura Asturiana nominóse a Ramón d’Andrés, a la Wikipedia n’asturianu y a Iniciativa pol Asturianu. El fallu de los Premios va decidise nos díes prósimos y daráse a conocer el viniente sábadu 26 d’avientu, al entamu de la xornada última del eventu 10 años de L’Arribada que s’allugará nel Muséu Casa Natal de Xovellanos a partir de les 12 del meudía. Los gallardones correspondientes consisten nuna obra del escultor y ceramista xixonés Jesús Castañón pa cada modalidá, y van entregase mientres la cellebración de la edición oncena de L’Arribada. Los ganadores anteriores fueron; del Premiu Timón, Nené Losada Rico (2007), Xuan Xosé Sánchez Vicente (2008), Manuel García ‘El Galano’ (2009), Roberto González-Quevedo (2010), Vicente García Oliva (2011), Antón García (2012), Miguel Rojo (2013), Xosé Bolado (2014) y Esther Prieto (2015); del Premio Timón, Luis Fernández Roces (2010), Juan Méjica (2011), Fernando Menéndez (2012), Gonzalo Suárez (2013), Carmen Ruiz-Tilve (2014) y Francisco García Pérez (2015); y del Premiu Timón de Cultura Asturiana l’Asociación Cultural Ensame Sidreru (2013), la Xunta pola Defensa de la Llingua Asturiana (2014)y l’Asociación pola Recuperación de Sidros y Comedies “El Cencerru” (2015). ánxel Álvarez LLanoeonaviegoEsther GarcíaHermé G. DonisIniciativa pol Asturianullingua asturianaOlvido GarcíaPilar Sánchez VicentePremios TimónRamón d'AndrésWikipediaXulio Berros 0 FacebookTwitterPinterestEmail Anterior Los premios Timón protagonicen los actos d’esti llunes del aniversariu de L’Arribada siguiente La esposición sobre trabayu infantil del Pueblu d’Asturies aporta a Alcalá de Henares Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre La llangreana Beatriz Quintana gana’l premiu de narrativa... Nun Tris abre les Xornaes del Festival Nel... Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes