Portada Escéniques El Xovellanos acueye la meyor danza d’Antonio Gades con “Fuenteovejuna”

El Xovellanos acueye la meyor danza d’Antonio Gades con “Fuenteovejuna”

by asturnet

La Compañía Antonio Gades llega esti sábadu 28 d’agostu al Xovellanos pa poner n’escena Fuenteovejuna. La representación d’esta coreografía va dar entamu a les ocho y media embaxo la dirección de Cerco Araúzo (qu’a lo llargo de munchos años bailló con Gades asocediendo a Cristina Fuejos en Carmen) la Compañía Antonio Gades recuperó pa los escenarios Carmen, Bodas de Sangre, Suite Flamenca y Fuenteovejuna. Estrenada n’avientu de 1994 na Ópera Carlo Felice de Xénova, Fuenteovejuna foi’l testamentu artísticu d’Antonio Gades, la postrera de les sos coreografíes.

Meses antes de finar, Antonio Gades creó una Fundación encargada de curiar el so patrimoniu artísticu, espublizar la so obra y fomentar la danza española por tou’l mundu. Devuelta a los escenarios a instancies d’esta Fundación, la Compañía Antonio Gades ye agora la única responsable de poner n’escena los sos ballets.

Tamién te podria gustar