El Xixón romanu vuelve cobrar vida en Realidá Aumentada

Xixón Turismu presenta una nueva aplicación de realidá aumentada, Xixón Romanu AR, na que cinco personaxes del Xixón romanu tornen a la ciudá para cuntanos la so hestoria en primer persona, celebrando’l Día de la Ruta Vía de la Plata.

Los personaxes van tar en mupis partíos por tola ciudá del 21 de setiembre al 19 d’ochobre. Gaio Sulpicio Úrsulo, Primu Aruntino, Magnentia, Pedrete Pompeyo Peregriniano, Voconia Caregia… y podrán reparase y escuchar al traviés de la app de realidá aumentada “Xixón romanu AR”.

Esta actividá enmarcase nel Día de la Ruta Vía de la Plata, que se celebró’l 18 de setiembre y que dio pie a un mes apináu d’eventos y actividaes nes localidaes de la Ruta pa conmemorar una fecha simbólica para los conceyos polos que traviesa esti itinerariu: la nacencia de Marcu Ulpio Traxano.

Atopar a los personaxes del Xixón romanu ye bien fácil. A cencielles hai que buscalos en dalgún mupi en cualquier barriu de Xixón y escanialos cola aplicación del móvil, que puede descargase, de forma gratuita, en www.visitagijon.com o nes tiendes Android o iOS. El personaxe cobra entós vida. A partir d’este mesma fin de selmana, tamién podrá conocese a estos personaxes na Villa Romana de Veranes.

Más información