El Xardín Botánicu inaugura’l Rincón de la Poesía

El Xardín Botánicu inaugura’l Rincón de la Poesía
06 agostu 13:13 2021 Imprimir

El Conceyu Xixón vieno acabante inaugurar nel xardín históricu de La Isla del Xardín Botánicu Atlánticu, el Rincón de la Poesía, un espaciu dedicáu a la promoción d’esti xéneru lliterariu nel que les persones aficionaes van poder axuntase para faer llectures y compartir esperiencies.

El Rincón de la Poesía ye una iniciativa promovida pola asociación Encadenaos que va dedicar cada trimestre a un poeta, siendo Francisco Brines, últimu premiu Miguel de Cervantes, l’encargáu d’abrir el llugar. Los sos poemes son próximos y vitalistas, nellos les grandes temes del amor y la guapura coesisten cola reflexón sobro’l pasu del tiempu y la muerte, vivida cola actitú sele del qu’entiende que la fermosura de la vida” va siguir n’otros. Pela so parte, la ilustración qu’acompaña a la so biografía ye obra de Carmen Echegaray, miembru de la mesma asociación. Cabo señalar que na nueva edición actualizada del planu que s’apurre a les y los visitantes, el Rincón de la Poesía yá s’atopa señaláu.

  Categories: