El vinu y Cangas protagonicen el númberu 35 de la revista “Asturies”

El vinu y Cangas protagonicen el númberu 35 de la revista “Asturies”
02 11:49 2015 Imprimir

Esti sábadu 31 d’ochobre presentábase’l númberu 35 de la revista “Asturies, memoria encesa d’un país”, qu’edita la fundción Belenos, en Cangas del Narcea, nel Muséu del Vino de Santiso.

‘La vide yá’l vinu en Cangas’ ye unu de los artículos qu’inclúi l’últimu númberu de la revista ‘Asturies, memoria encesa d´un país’, y vién firmáu pola  directora del muséu, Carolina Pelaz. L’autora del artículu, traducíu al asturianu occidental,  repasa la influencia de la vide y el vinu na cultura canguesa.

Pelaz nun fala solo del patrimoniu material, del qu’hai una bona amuesa nel Muséu del Vinu y nes bodegues del barriu de Santiso, sinón tamién del legáu inmaterial que pudo recoyer al traviés de testimonios. Usos, espresiones, conocencies y técniques que se fueron tresmitiendo por tradición oral.

L’autora afitase nos topónimos de la zona, como Entreviñas; términos específicos como ‘vinar’ o ‘recebar'; refranes y pequenes coples o fiestes tradicionales.

La Fundación Belenos, organizadora del actu, tien por oxetivu espublizar y dar a conocer el patrimoniu etnográfico y cultural asturianu, y escoyó’l Muséu del Vinu de Cangas esta vegada pa presentar  la edición númberu 35 d’esta publicación.

  Categories:
Loading Facebook Comments ...