El Villamocho aporta a La Semiente

El Villamocho aporta a La Semiente
05 14:57 2015 Imprimir

Esti xueves día 5 de payares a les 19,30 hores, el Centru Social La Semiente de L’Entregu vuelve con una presentación d’un llibru non faltu de discutiniu: Antón Saavedra va tar presentando’l so recién llibru Villamocho Villamocho.

“La corrupción en el sindicalismo minero”, publicado por Editoral Sangar, publicáu por Editoral Sangar. Esti llibru ye una hestoria de la mafia, d’una mafia que nada tien que ver colos baxos fondos de Chicago o colos pequenos pueblos de Sicilia, la mafia del SOMA y del carbón asturianu. Una hestoria contada por un de los protagonistes, Antón Saavedra, que se convirtió, pola so defensa de la minería, n’eternu enemigu de Villa. Con un llinguaxe mineru que nun fai concesiones estétiques, duru y directu, Saavedra fai una repasada a casi cuarenta años de dominiu del SOMA n’Asturies, de les sos trames de corrupción, del so control de la Caxa d’Aforros, de los conceyos mineros y del propiu Principáu d’Asturies. Cuarenta años qu’acaben cuando’l líder mineru abandona la secretaría xeneral del sindicatu ente llárimes, poco tiempu antes de conocese que regularizara 1,4 millones d’euros na amnistía fiscal del Gobiernu del PP. Aquel día Villa yá taba solu y munchos apuntábense al carru d’unes denuncies qu’Antón Saavedra venía glayando contra vientu y marea dende los años ochenta.

«Antes de cerrar un solu pozu van tener que pasar percima del mio cadabre», dicía José Ángel Fernández Villa naquellos años. Dende entós cerraron la mayoría de los pozos mineros asturianos y el todopoderosu sindicalista ye yá un cadabre políticu, tolo qu’asocedió en mediu, cuentalo Saavedra nestes páxines con contundencia y ensin mordese la llingua.
El llar nuevu de La Semiente tá na Calle Nueva nº 1 de L’Entregu.

  Categories:
Loading Facebook Comments ...