Portada Lliteratura “El Valle de las Fuentes” ye la nueva novela José Ángel Ordiz Llaneza

“El Valle de las Fuentes” ye la nueva novela José Ángel Ordiz Llaneza

by redacción asturnews

“El Valle de las Fuentes” ye la nueva novela José Ángel Ordiz Llaneza que ya vieno tar asoleyada depués de algamar el PremiouÁngel Miguel Pozanco.

Según los dictames médicos, yo tendría de finar el 23 de xunetu de 2017. Pero conozse que la infatigable espurecha de Joan Manuel Serrat, l’últimu nome de la esistencia, vieno segame cola gadaña mal cabruñada y, como suelen pagase bien caros los escesos d’enfotu, de vacíu tuvo que colase. Tendíu na cama del hospital, suxeté pola pechera al cardiólogu de vez y pregunté-y: «Oi, tu, ¿la diño o non la diño?». «Paez ser que, pel momento, non», respondióme l’especialista cola estrañedá reflexada na so cara pálida, güesudu, como d’enfermu grave. Pasó un mes, pasaron dos meses, y, recluyíu nel mio llar, volvieron acosame nuevos personaxes. Traté de alloñar, de convencelos colos mios discursos silenciosos, admonitorios: Comprobái’l mio estáu vós mesmos, amenacio ruina inminente de la cabeza a los pies. A simples esquises podríen quedar amenorgaos, a senciellos bocetos ensin pies o ensin cabeza inclusive. Tou en devanéu, insoslayable la mio pasión poles ficciones propies y ayenes. De cuenta que, al igual que na interminable posguerra fixeron los maquis, eché al monte y acabé n’El Valle de les Fontes, del que tantu me falaron los mios ancestros. Y en El Valle de les Fontes sigo. Nun Escuendo, a cencielles espero. Nun pudi nin bautizar a los mios últimos fíos de papel, con pies y cabeza magar los dictames médicos y a la mio ruina evidente, pero creo qu’eso, lo de les presentaciones y demás, nun-yos importa enforma: nun van ser lleíos, pero ende tán, como yo, esperando”. Así entama la nueva nocela de Ordíz Llaneza.

José Ángel Ordiz Llaneza (Sotrondio, Asturies, 1955) ye llicenciáu en Ciencies Químiques pola Universidá d’Uviéu, funcionariu de carrera dempués, foi profesor de Física y Química en dellos institutos d’Educación Secundaria, principalmente nel Padre Feijoo del barriu xixonés de La Calzada, onde llogró en 1990 el Premiu Nacional a la Esperimentación pola relevancia del trabayu desenvueltu como miembru del equipu pedagóxicu del Proxecto Mercuriu.

Empecipió’l so llabor lliterariu cola novela curtia Esquisa d’una solombra (Premio Diputación d’Asturies 1980). Los sos relatos curtios figuren en diverses revistes y antoloxíes. La mayor parte d’estes narraciones tán axuntaes nos llibros Relatos impíos (XI Premiu de la Crítica d’Asturies), El fin y otros relatos de supervivencia, Club Lola y otros espectáculos, Tresmanamientos, Violencies, La vida y otres ficciones y Relatos de carne y güesu. Publicó les noveles Les muertes d’un soñador (Premio Cáceres 1994, ediciones ampliaes y correxíes en 2010 y 2014), Bones nueches, Laura (Premiu Onuba 2006), Muyer doite (Tercer Premiu Casa Eolo-Fundación Bolskan), El narrador d’hestories fantástiques (Traducida a dellos idiomes), Les lluces del puertu (XII Premiu de la Crítica d’Asturies y Premio Taza d’Oru del Club de Lectura Café Candás, edición ampliada y correxida en 2016), Naquel tiempu (Finalista nel XXVII Premio Asturies-Fundación Dolores Medio), Sal duce (Escoyida como una de los diez obres finalistes nel LIX Premio Planeta, edición modificada en 2018), Circu (Premio Ángel Miguel Pozanco), La vocalista ausente, Lo asocedío y El Valle de les Fontes.

Tamién te podria gustar