Portada Conceyos El valir patrimonial de les llingües inaugura’l Festival Arcu Atlánticu

El valir patrimonial de les llingües inaugura’l Festival Arcu Atlánticu

by redacción asturnews
Esti martes, 25 de xunetu, a les 18.45 nel Salón d’actos del Centru de Cultura Antiguu Institutu, inaugurábase’l Festival Arcu Atlánticu 2017 con un averamientu a  “Las lenguas como patrimonio cultural europeo”, conferencia del profesor de la UAM  Juan Carlos Moreno Cabrera.

Esti Doctor en Filosofía y Lletres pola Universidá Autónoma de Madrid y que dende 1993 ye caderalgu del Departamentu de Llingüística, Llingües Modernes, Lóxica y Filosofía de la Ciencia de la Universidá Autónoma de Madrid, quixo poner en valir a les llingües minorizaes como patrimoniu cultural dende la perspectiva del  so trabayu como investigador  na situación de la diversidá llingüística nel mundu, la tipoloxía llingüística, la llingüística teórica, la sintaxis xeneral, la semántica xeneral y les rellaciones ente les actitúes llingüístiques y les ideoloxíes, fundamentalmente les del imperialismu y el nacionalismu llingüísticu enfotándose nel ámbitu hispánicu.
Juan Carlos Moreno Cabrera ye autor de dieciséis llibros, ente los que rescamplen: Lenguas del mundo (Madrid: Visor, 1990); La dignidad e igualdad de las lenguas (Madrid: Alianza, 2009, 6.ª ed.) y El nacionalismo lingüístico. Una ideología destructiva (Barcelona: Península, 2008)

Tamién te podria gustar