Portada Conceyos El V Alcuentru de Conseyos de Participación Infantil trai a Uviéu a 200 neños y neñes de toa España

El V Alcuentru de Conseyos de Participación Infantil trai a Uviéu a 200 neños y neñes de toa España

by redacción asturnews

El V Alcuentru de Conseyos de Participación Infantil y Adolescente va trayer a Uviéu esta fin de selmana a 200 neños y neñes de toa España.

Les xornaes “Creando’l puzle de los nuesos derechos” van celebrase ente esti vienres 25 y el domingu 27 de mayu nel Palaciu de Congresos d’Uviéu y nelles aldericaráse sobro asuntos como la igualdá, el ciberbullying o la non discriminación. Van Publicar un manifiestu que se va presentar en xineru del próximu añu nel Congresu de los Diputaos.

El Quintu Alcuentru Estatal de Conseyos de Participación Infantil y Adolescente ye un eventu impulsáu pola Plataforma d’Infancia, al traviés de la so estratexa “La Infancia Opina”; UNICEF Comité Español, por aciu el programa “Ciudaes Amigues de la Infancia”; y el Conceyu d’Uviéu. Nes xornaes, que fueron bautizaes col títulu “Creando’l puzle de los nuesos derechos” y que se van celebrar ente’l 25 y 27 de mayu nel Palaciu de Congresos d’Uviéu, 200  neños y neñes -procedentes de 75 conceyos pertenecientes a 15 comunidaes autónomes- va aldericar sobro variaos asuntos d’actualidá como la igualdá de xéneru, el ciberbullying nes redes sociales o la non discriminación. Al términu del congresu, los participantes van ellaborar un manifiestu, de títulu homónimu al eventu, que va ser presentáu en xineru de 2019 nel Congresu de los Diputaos.

Per otru llau, los alcuentros y alderiques nun van ser lo únicu que fadrán los neños y neñes mientres la so estancia n’Uviéu, sinón que va haber tiempu pal ociu. Van poder afayase nes cais uvieines más céntriques al traviés d’una Yincana, que va tener llugar mientres tardar del sábadu 26; al igual que van asistir a una representación de teatru’l domingu 27, ente otres actividaes.

Tamién te podria gustar