El “Turismu n’Asturies: el valir de la llingua” ye’l motivu d’una conferencia na UABRA

by redacción asturnews | agosto 8, 2018 6:40 pm

El “Turismu n’Asturies: el valir de la llingua” va ser la tema de la conferencia que va ufrir Inaciu Galán y González, llicenciáu en Turismu, esti xueves, 9 d’agostu, a les 19 hores nel Salón d’Actos de la Escuela-Hogar de Cangas del Narcea, dientru la programación de la UABRA 2018.

El llicenciáu en Turismu Inaciu Galán participa mañana xueves na Universidá Asturiana de Branu (UABRA) cola conferencia “Turismu n’Asturies: el valir de la llingua”. El salón d’actos de la Escuela-Hogar de Cangas del Narcea va acoyer esti actu a les siete la tarde.

La UABRA ye un proyeutu lleváu alantre gracies a la collaboración ente l’Academia de la Llingua Asturiana, la Universidá d’Uviéu y el Conceyu de Cangas del Narcea, col sofitu de la Conseyería d’Educación y Cultura del Gobiernu del Principáu d’Asturies.

El programa formativu completu de la UABRA 2018 pue consultase na web de l’Academia dela Llingua, nel apartáu específicu d’esti eventu: http://www.academiadelallingua.com/cursos-2/universida-asturiana-de-branu-uabra/

Source URL: http://asturnews.com/el-turismu-nasturies-el-valir-de-la-llingua-yel-motivu-duna-conferencia-na-uabra/