Sociedá El Tribunal Superior de Xusticia almite la denuncia pola prohibición del asturianu nes elecciones by asturnet 13 de mayu, 2004 written by asturnet 13 de mayu, 2004 25 El Tribunal Superior de Xusticia d’Asturies (TSXA) estudia yá si los drechos llingüísticos de los asturianos quedaron vulneraos nes pasaes elecciones xenerales del 14 de marzu. L’altu órganu xurisdiccional acaba d’almitir a trámite un recursu interpuestu pola formación nacionaliega Andecha Astur contra la decisión de la Xunta Electoral Provincial d’Asturies de nun-y permitir presentar les sos papeletes de candidatos en llingua asturiana. Según una notificación d’Andecha, la Sección Segunda de la Sala de lo Contencioso Alministrativo del TSXA emitió yá la notificación de l’almisión a trámite del recursu, presentáu el pasáu 9 de marzu, polo que ábrese agora un plazu nel que’l Tribunal Superior de Xusticia -másimu muérganu xudicial d’Asturies- habrá decidir si hebio o non torga a los drechos de los asturianofalantes. Nel escritu qu’empobinó a la Xusticia, Andecha Astur alegó que’l determín de la Xunta Electoral Provincial -órganu que vela pol normal cumplimientu de la llegalidá en tiempu d’elecciones- diba contra los drechos fundamentales de la persona, lo que supuso la tramitación del recursu por vía d’urxencia. De mou paralelu, la formación política nacionaliega solicitara amás na so denuncia la suspensión cautelar de l’anulación del votu emitíu finalmente n’asturianu, polo que’l TSXA alcordó na so primer resolución pidi-yos testimoniu sobro esti asuntu tanto al fiscal competente como a la Xunta Electoral. 0 FacebookTwitterPinterestEmail Anterior Un documental rescata l’alcordanza del polifacéticu Tino Casal siguiente Dixebra y Ska-P volverán compartir escenariu nun conciertu en La Felguera Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...