Portada Plástiques El Thyssen-Bornemisza acueye de nuevu’l Matu-Mua de Gauguin

El Thyssen-Bornemisza acueye de nuevu’l Matu-Mua de Gauguin

by redacción asturnews
Foto: Rodney (https://www.flickr.com/photos/rjhuttondfw/)

El Matu-Mua’, de Gauguin, llegó esti llunes al Muséu Thyssen-Bornemisza de Madrid, últimu flecu pindiu antes de la firma, el miércoles, del alcuerdu de cesión de la colección de la baronesa.

Carmen Thyssen y el ministru de Cultura español, Miquel Iceta, van sellar l’alcuerdu pol arriendu de la colección de l’aristócrata por 6,5 millones d’euros añales mientres 15 años, por 329 obres, anque l’oxetivu del Gobiernu siempres foi mercala. España desembolsará en xunto unos 97 millones d’euros, una cantidá que se descontaría d’un alcuerdu de compra pola colección, si dalguna vegada algámase.

L’actu va poner puntu y final a diez años de negociaciones ente Carmen Thyssen y l’Estáu español pola so colección, qu’empezaron dempués d’un primer préstamu gratuitu per once años (2000-2011).  Dellos ministros pasaron por Cultura antes de llegar a un alcuerdu final que se vio alloñáu cuando en plenu confinamientu (2020), la baronesa decidió sacar del muséu’l Matu-Mua’, amás d’un Degas, un Hopper y un Monet. Y tou apunta a qu’estos trés últimes obres nun van volver.

La llegada de la obra de Gauguin pa la firma foi toa una sorpresa yá que Iceta dixo apocayá más de dos selmanes que’l cuadru nun taría pa la firma del alcuerdu por problemes loxísticos”. Carmen Thyssen contradíxolu va unos díes y anunció la so llegada.

Tamién te podria gustar