El techu de gastu d’Asturies sedrá de 3522 millones

06 setiembre 10:47 2013 Imprimir

El Conseyu de Gobiernu del Principáu d’Asturies aprobó na tardi del xueves un techu de gastu non financieru de 3.522 millones de euros pa 2014, lo que supone una reducción del 1,15 por cientu respective al gastu nun financieru de los presupuestos de 2013.

L’anuncia aportó esti viernes pela mañana na rueda de prensa que dieron en Palaciu de Gobiernu la conseyera de Facienda y Sector Públicu, Dolores Carcedo, xunta’l conseyeru de la Presidencia y Portavoz gubernamental, Guillermo Martínez, na que dexaron bien afitao que barrunten aportar a esta llende nel gastu darréu de sumar los ingresos non financieros, que suponen 3.250 millones de euros xunto pa col déficit públicu máximu, que s’sitia nel 1% del PIB nominal previstu pa Asturies en 2014: 225 millones de euros. Tamién se tuvo en cuenta l’axuste de la contabilidá del Estáu nacional, qu’algama un total de 47 millones de euros.

  Categories:
Loading Facebook Comments ...