Portada Escéniques El teatru Xovellanos presenta la programación pa abril, mayu y xunu

El teatru Xovellanos presenta la programación pa abril, mayu y xunu

by redacción asturnews

Lara Martínez, xerente de Divertia y Antonio Criáu, programador del Teatru Xovellanos, presentaron esti xueves pasáu, 25 de febreru, los espectáculos de la temporada d’abril, mayu y xunu pal xixonés Teatru Xovellanos empobinada a tolos públicos y con propuestes tanto asturianes como nacionales de teatru y música.

Una programación intensa, calidable y para tolos públicos, cola que podrá esfrutase d’interesantes propuestes de teatru: con Nuria Espert, Verónica Forqué, Javier Gutiérrez, compañíes como Agrupación Señor Serrano, el Centru Dramáticu Nacional o Teatros de la Canal y con compañíes asturianes como Teatru del Cuervu, La Roca Producciones o Saltantes Teatru.

Coles mesmes, tamién se va ufiertar una fantástica programación musical, colos conciertos de la OSPA y de la Sociedá Filarmónica de Xixón y con nueva temporada del ciclu Encaxa2. Tampoco va faltar la cita con grandes compañíes de danza como la d’Eduardo Guerrero, col xenial humor de Faemino y Cansáu… Y sobremanera con una nueva edición de FETEN, la Feria Europea de Teatru para neños y neñes.

DESCÁRGATE EL PROGRAMA DEL TRIMESTRE NESTI ENLLAZ

Tamién te podria gustar