Portada Escéniques El Teatru Xovellanos enllena d’animales con “El llibru de la selva”

El Teatru Xovellanos enllena d’animales con “El llibru de la selva”

by redacción asturnews

Esti llunes 28 d’Avientu, a les 17:30 y 19:30 hores, el Xovellanos convertirase nuna selva col musical familiar basáu na popular novela de Joseph Rudyard Kipling “El llibru de la selva”.

Con una duración de pocu más d’una hora, l’adaptación de “El llibru de la selva” del escritor d’orixe indiu, y Premio Nobel de Lliteratura, Joseph Rudyard Kipling, amuesa un espectáculu maraviyosu pa tola familia al traviés de los sos cantares y bailles .El musical ta inspiráu na clásica hestoria, anque con adaptaciones, narrando la hestoria de cómo un neñu crez na selva ente animales en siendo perdíu de los sos padres nel ataque d’un tigre.

El pequeñu Mowgli crez afayando quién ye, al empar qu’apriende a estremar ente’l bien y el mal, arrodiáu de naturaleza y animales, como los sos amigos l’osu Baloo o la pantera Bagheera. Tou ello por aciu cantares, bailles, xuegos, rises y un cientu d’aventures.

Con una gran escenografía, enllena de color y volumes, y un increíble vestuariu, el musical desafía la imaxinación de los más pequenos y de los mayores con cantares pegadizos y bailles espectaculares. La representación va tener un preciu de 15€ los menores, y 18€ n’adultos.

Tamién te podria gustar