Portada Música El Teatru Xovellanos celebra un conciertu n’homenaxe a Chopin

El Teatru Xovellanos celebra un conciertu n’homenaxe a Chopin

by asturnet

El miércoles, 2 de xunu, a les 20:00 hores, el Teatru Xovellanos va acoyer, en collaboración cola Sociedá Filarmónica de Xixón, un conciertu del Sestetu Rossini, que va executar un programa conmemorativu del 200 aniversariu de la nacencia de Chopin (1810 – 1849). El citáu programa inclúi Tríu en Sol menor Op. 8 pa pianu, violín y cello y Conciertu pa pianu nº 2 en Fa menor.

El Sestetu Rossini, dende’l so conciertu de presentación na Fundación Juan March en 1987 y darréu nel Auditoriu Nacional de Madrid, recibió los aponderamientos de crítica y públicu, tanto pola calidá de les sos interpretaciones como polos programes, recuperando obres poco habituales y d’induldable interés. A lo llargo de los postreros venti años, dio más de doscientos cincuenta conciertos en distintes Fundaciones, Sociedaes Filarmóniques, Auditorios, Teatros y Festivales de Música de tola xeografía peninsular.

Tamién te podria gustar