Música El Teatru Palacio Valdés acueye l’I Conciertu d’Añu Nuevu d’Avilés by redacción asturnews 28 d'avientu, 2017 written by redacción asturnews 28 d'avientu, 2017 34 El 1 de xineru, a les 12:30 hores, la Orquesta Sinfónica Ciudá d’Avilés, compuesta por 45 músicos y empobinada por Iván Cuervu, va interpretar un repertoriu de 10 pieces nel Teatru Palacio Valdés, cuntando cola actuación de los solistes Gabriel Ureña y Paula Martínez. El I Conciertu d’Añu Nuevu d’Avilés, que se va celebrar el llunes 1 de xineru nel Teatru Palacio Valdés (12:30 hores), col patrociniu d’Asturiana de Zinc, va correr al cargu de la Orquesta Sinfónica Ciudá d’Avilés, compuesta por 45 músicos: 6 violinos primeros, 5 violinos segundos, 4 violes, 4 cellos, 3 contrabaxos, 3 trombones, 2 trompetes, 2 oboes, 2 flautes, 2 clarinetes, 2 fagotes, 4 trompes y 4 percusionistas, a los que se suma’l mesmu director, Iván Cuervu. Amás, va cuntar cola participación de dos solistes avilesinos de reconocencia internacional, dambos alumnos del Conservatorio avilesín, como Gabriel Ureña (violonchelu) y Paula Martínez (violín), quien va actuar como concertino. El restu de la orquesta integrar profesores del Conservatorio Municipal Profesional Julián Orbón, según otros músicos profesionales de gran prestíu qu’empecipiaron la so formación en dichu centro. La dirección va correr a cargu del avilesín Iván Cuervu, profesor del Conservatorio dende 1996 y habitual collaborador n’orquestes como la Nacional d’España, la de RTVE, o la de Cámara Estatal Virtuosos de Moscú, ente otres. El programa inclúi pieces tradicionalmente interpretaes nos distintos conciertos d’Añu Nuevu que tienen llugar en ciudaes de toa Europa, especialmente en Viena, como’l Danubio Azul, Pizzicato Polca o la obertura L’Esperteyu de J. Strauss. Como nun podría ser d’otra manera, el conciertu va concluyir con una xoya” de la música española, La Boda de Luis Alonso, del maestru Giménez. Les entraes, que nestos díes tuvieron un altu ritmu de vienta, tán a la vienta a un preciu de 15 euros (adultos) y 6 euros (menores de 14 años). Pueden adquirise nos puntos de vienta habituales: Casa Municipal de Cultura, caxeros Liberbank, n’entraes.liberbank.es y na taquilla del Teatru Palacio Valdés esti mesmu día del conciertu a partir de les 11 hores. Más información 0 FacebookTwitterPinterestEmail Anterior La Corredoria yá tien local pa fomentar la participación ciudadana nel barriu siguiente Entamen los talleres del Proyectu Pueblu en Trubia Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón