El teatru n’asturianu llega a la Casa Cultura de Cangues d’Onís

11 abril 08:50 2011 Imprimir

El Conceyu de Cangues d’Onís celebra dende esti domingu la X Selmana de Teatru, y güei, llunes 11, la compañía de Sevares «Ensin reparu» va ufrir la obra costumista «La última Rosa», escrita na variedá centro-oriental del asturianu. Mañana martes la compañía «A. C. Padre Coll», de La Felguera, sedrá la encargada de representar la obra «Toi permala».

El miércoles 13, la compañía parraguesa «Producciones La Binocle» representará «Antoine y Tikis Mikis», que cuenta la vida d’unos payasos; mientres el xueves, la compañía «A. C. CIMA», tamién de Parres, va ufrir la obra «Les fartures de Servando», pesllando’l vienres la selmana «Teatro Kumen», de La Felguera, con «Actu imprevistu».

  Categories:
Loading Facebook Comments ...