El Teatru de solombres aporta a Llugones

El Turnebís del Tribilín va facer aportar el so Teatru de Solombres a la Casa de Cultura de Llugones esti vienres 30 d’avientu a les 18,00 hores.

Esti espectáculu de teatru de solombres pa tolos públicos, con música en vivu, ta basáu en distintos cuentos y romances recoyíos de la tradición oral: El molinucu máxicu, El dragón de la cueva, El namoráu y la muerte… La entrada ye llibre hasta enllenar l’aforu.