El taller “Mitos y realidaes” va trabayar la conciliación ente la vida llaboral y familiar

El taller “Mitos y realidaes” va trabayar la conciliación ente la vida llaboral y familiar
07 avientu 10:02 2018 Imprimir

El taller “Mitos y realidaes” va trabayar la conciliación ente la vida llaboral y familiar los díes 11, 13, 18 y 20 d’avientu, de 17.00 a 19.00 hores, na Casa d’Alcuentru de les Muyeres d’Avilés. Forma parte del Proyectu Suma y Sigue, entamáu pola Asociación ABEYU en collaboración cola Conceyalía d’Igualdá.

La Casa d’Alcuentru de les Muyeres acueye esti mes el taller “Mitos y realidaes”, entamáu pola Asociación ABEYU, en collaboración cola Conceyalía d’Igualdá. Tratar d’una iniciativa incluyida nel proyectu “Suma y Sigue”, subvencionáu na convocatoria añal d’ayudes municipales pa proyectos de Muyer.

Les inscripciones pal taller pueden realizase nos correos electrónicos abeyusocialgmail.com o mujeraviles.es, o nel teléfonu 658 815 889 (al traviés de mensaxe nel buzón de voz o vía WhatsApp)

El taller, que va tener llugar los díes 11, 13, 18 y 20 d’avientu de 17.00 a 19.00 hores na Casa d’Alcuentros de les Muyeres d’Avilés (Edificiu fueru. C/Fernando Morán, va encetar la conciliación entra la ida llaboral y familiar al traviés de los siguientes conteníos:

  • Corresponsabilidá de xeres
  • El respetu del tiempu
  • Vezos saludables y gratificantes
  • Ameyorar la negociación familiar

“Suma y Sigue” tien como finalidá prevenir la violencia y ameyorar el desenvolvimientu personal de la muyeres, ameyorando’l so llugar na sociedá, esplegando tola so potencialidá ya impulsando el so desenvolvimientu personal.

  Categories: