El Supremu almite’l recursu contra la Llínea d’Alta tensión Mariña Verde

El Tribunal Supremu almite a trámite’l recursu contenciosu–alministrativu presentáu pola Plataforma contra la Llínea d’Alta Tensión “Aniellu Central d’Asturies” (enantes, llínea Mariña Verde) contra l’Alcuerdu del Conseyu de Ministros de 16 d’ochobre de 2015.

Esti alcuerdu pol que s’aprueba’l Plan de Desenvolvimientu de la Rede de Tresporte d’Enerxía Eléctrica 2015-2020, tien agora en contra esti recursu pa que se declare la nulidá del mesmu tocantes a la inclusión de los proyectos que conformen l’anielluu central nel Principáu d’Asturies entendíu ente Gozón – La Reboria – Sama – Lada. Los colectivos que conformen la plataforma amuésense bien satisfechos ante l’almisión del recursu cuidando que supon que’l Tribunal Supremu entendió que cumplen les formalidaes pa interponer un contenciosu contra la planificación aprobada.

El pasáu xueves conocíase la importante noticia de l’aprobación nel plenu del Conceyu de Xixón de la moción llevada a los conceyos polos colectivos de la plataforma a finales de payares. Cabo esperar agora los allugamientos del restu de conceyos polos qu’escurriría la llínea, nos qu’empieza a aldericase dicha moción. En particular, esti llunes 18 de xineru aldericará la moción nel plenu del conceyu de Nava, onde s’espera prime’l bon criteriu y apruébese tamién la moción.

Les asociaciones y colectivos que configuren la plataforma, llevaron nel so momentu la propuesta a los conceyos cuidando que consideren imprescindible que los conceyos afectaos tomen parte activa nel procesu y adopten les midíes llegales pertinentes frente a la instalación de dicha infraestructura, llegando a la formulación nel so día de recursu contenciosu-alministrativu frente al resolvimientu pola que s’apruebe’l proyectu referente la llínea d’alta tensión a 400 kv”. Esi ye’l compromisu qu’acaba d’adquirir el Conceyu de Xixón.

Persones del coleutivu contra la llínea nel plenu de Xixón

La Plataforma contra la Llínea d’Alta Tensión Aníu Central d’Asturies (tramu oriental), ta constituyida polos siguiente grupos: l’ASOCIACIÓN DE VECINOS DEL REMEDIU, la PLATAFORMA BIMENES CONTRA L’ALTA TENSIÓN, l’ASOCIACIÓN “CUETO BELLOSO”, l’ASOCIACIÓN DE VECINOS EL PEÑON DE FANO, l’ASOCIACIÓN DE VECINOS DE VALDORNÓN, l’ASOCIACIÓN DE VECINOS DE SERÍN, l’ASOCIACIÓN DE VECINO “SAN JUAN BAUTISTA” DE CEIS, l’ASOCIACIÓN D’AFECTAOS POLA LINEA D’ALTA TENSIÓN A 400KW DENOMINADA MARIÑA VERDE DEL ALTU LA MADERA, l’ASOCIACIÓN DE VECINOS “LA MAGADALENA” RUEDES, l’ASOCIACIÓN DE VECINOS VEGA-LA CAMOCHA, CENTRU SOCIAL LA SEMIENTE, la COORDINADORA ECOLOXISTA D’ASTURIES, l’ASOCIACIÓN ASTURIANA D’AMIGOS DE LA NATURALEZA, CONFEDERACIÓN D’ASOCIACIONES DE VECINOS D’ASTURIES.