“El silencio del agua”, de Sabiha Sumar protagoniza’l ciclu de cine En femenino nel Atenéu de La Calzada

23 ochobre 23:45 2007 Imprimir

El Ateneu de La Calzada continúa col ciclu de cine “En femenino”, empobináu a la producción cinematográfica de mujeres directores, con la proyección de la película “El silencio del agua”, dirixida por Sabiha Sumar. El pase entama a ales 19:30 hores y la entrada ye de baldre hasta completar l’aforu.

“El silencio del agua” ye una coproducción ente Francia, Alemania y Pakistán rodada por Sabiha Sumar en 2003. La cinta cunta la historia dramática de Aïcha, una muyer viuda de 40 años que ve como’l so fiu Salim va convirtiendose nun fundamentalista musulman. La ficción, basada nun fechu real, trescurre durante’l golpe d’Estáu del xeneral Zia nel Pakistan de 1979.

  Article "tagged" as:
  Categories:
Loading Facebook Comments ...