El serviciu del telecentru de La Corredoria va siguir en 2016

La Xunta de Gobiernu asignó esti llunes recursos abondos pa garantizar la continuidá d’actividá nel Centru Xuvenil y Telecentro de La Corredoria n’Uviéu.

A propuesta de la conceyala d’Atención a les Persones ya Igualdá, Marisa Ponga, aprobóse la inclusión del telecentru nel Contratu de los servicios d’animación sociocultural, participación social y animación comuñal del conceyu d’Uviéu. Esta actuación garantiza’l normal funcionamientu del telecentro de La Corredoria, tal que solicitaren diversos colectivos de la zona, una vegada haya expirado el proyectu del Plan Urban col que se financió la puesta en marcha del equipamientu.

El Conceyu d’Uviéu, al traviés de la Rede de Centros Sociales Municipales, desenvuelve un programa d’animación sociocultural, participación social y animación comuñal empobinada a la población xeneral. Ye intención del equipu de gobiernu potenciar les actuaciones d’intervención comuñal. Nesti sentíu, y con independencia de les iniciatives de mayor caláu que vaigan siendo adoptaes nel futuru, interesa dar respuesta agora a necesidaes que se fueron percibiendo mientres los primeros meses de la nuesa xestión.