Portada Conceyos El serviciu del Bancu de Llibros d’Uviéu pue demandase hasta’l 28

El serviciu del Bancu de Llibros d’Uviéu pue demandase hasta’l 28

by redacción asturnews

Dende va años el Conceyu d’Uviéu y Cruz Roja desenvuelven el denomináu Bancu de Llibros de Testu, una iniciativa que forma parte del Programa NUEVU-TU, y que ye frutu d’un conveniu de collaboración ente dambes entidaes y va poder demandase hasta’l 28 d’esti mes d’agostu.

Nesta edición, y por cuenta de la situación actual provocada pola COVID-19, el Bancu de Llibros va emprestar namái un serviciu d’entrega de llibros a les families demandantes. Estes entregues van atendese colos llibros procedentes del remanente d’años anteriores correspondientes a los cursos de 3º a 6º de Primaria, 1º a 4º de Secundaria, y 1º  y 2º de Bachilleratu. El proyectu ta dirixíu a la población escolarizada del conceyu d’Uviéu y les sos families cola fin de facilitar l’accesu a llibros de testu.

El periodu de solicitú establezse ente’l 13 y el 28 d’agostu de 2020. En cuanto al procedimientu de solicitú, va realizase bien per vía telefónica nel 985209635, o bien unviando un corréu electrónicu a bancodelibrosoviedo@cruzroja.es. L’orde d’atención a les solicitúes va ser por estrictu orde de llegada. Una vegada determinada la disponibilidad de los llibros va contactase coles families p’apurri-y los na casa.

Tamién te podria gustar