El Serviciu de Mocedá ufierta cuatro places pa un cursu en Berlín sobro árees industriales y postindustriales

El Serviciu de Mocedá ufierta cuatro places pa un cursu en Berlín sobro árees industriales y postindustriales
28 12:04 2019 Imprimir

El Serviciu de Mocedá d’Avilés ufierta cuatro places pa un cursu en Berlín sobro árees industriales y postindustriales, qu’atópase subvencionáu pol Programa Européu pa sofitar la educación, la formación, la mocedá y el deporte Erasmus +, sofitando los gastos de viaxe hasta 275 euros, l’agospiamientu y la mantención.

Col nome “Reclaim Your Neighbourhood”, ta dirixíu a trabayadores y trabayadores xuveniles o persones actives en ONGs y colectivos sociales. Esti vienres, 29 de payares, ciérrase’l plazu pa solicitar información sobro la inscripción, na dirección de corréu electrónicu europaquigmail.com.

El Serviciu de Mocedá d’Avilés, al traviés de la Oficina de Movilidá Xuvenil Internacional “Europa Equí”, busca participantes pal cursu “Reclaim Your Neighbourhood”, sobro participación xuvenil n’árees industriales y postindustriales, que va tener llugar en Berlín del 25 de xineru al 1 de febreru de 2020.

Son cuatro places les qu’ufierta, dirixíes a trabayadores xuveniles, o persones actives en ONGs y colectivos sociales, que quieran cavilgar sobro los retos que vive la mocedá en territorios como l’avilesín en toa Europa. El plazu pa informase sobro la inscripción cierra esti vienres, 29 de de payares, al traviés de la dirección de corréu electrónicu europaquigmail.com

Esti proyectu, que pon en marcha la organización alemana Kulturlabor Trial&Erru, atópase subvencionáu pol Programa Européu Erasmus +, que la so finalidá ye sofitar la educación, la formación, la mocedá y el deporte dientro de la Unión. Erasmus + cubre los gastos de viaxe hasta 275 euros, según los totales correspondientes al agospiamientu y la mantención. El cursu va suponer una oportunidá pa compartir distintes esperiencies nel trabayu con colectivos de mozos o vulnerables n’árees industriales o postindustriales, y diseñar ferramientes p’ameyorar la participación xuvenil.

La Oficina de Movilidá Xuvenil Internacional d’Avilés, “Europa Equí”, ye un proyectu desenvueltu dende’l Serviciu de Mocedá del Conceyu d’Avilés, en collaboración cola Asociación Cultural En Construcción. Dende l’añu 2006 coordina los proyectos de voluntariáu nuevu del Serviciu Voluntariu Européu, y dende el 2018, del Cueru Européu de Solidaridá, según los intercambios xuveniles y los cursos de formación.

  Categories: