El Serviciu de Mocedá d’Avilés entama’l cursu con 13 proyectos

El Serviciu de Mocedá d’Avilés entama’l cursu con 13 proyectos
28 setiembre 09:21 2017 Imprimir

Ociu alternativu, collaboración social, igualdá y ecoloxía ganen protagonismu nesti nuevu cursu que reafita’l compromisu del Conceyu d’Avilés colos mozos nel que van desenvolvese 13 proyectos.

El seminariu “Let’s celebrate!” va encetar n’Avilés, del 23 al 27 d’ochobre, los beneficios del voluntariáu européu y el so valor como ferramienta para la inclusión

La conceyala de Mocedá, Raquel Ruiz, presentó esta selmana los distintos proyectos entamaos pol Serviciu de Mocedá municipal que se van desenvolver a lo llargo del cursu 2017-2018. Son 13 los proyectos programaos col oxetivu común de caltener y amontar la participación de la mocedá d’Avilés nos distintos ámbitos de la sociedá. Ente ellos atopense iniciatives bien consolidaes y con amplios respaldu de les y los mozos de la ciudá.

Ruiz aseguró que “queremos que cada vez sían más los mozos que conozan los nuesos programes y anímense a participar nellos. Cuntamos con una ufierta amplia y bien variada, con alternatives pa tolos gustos pensaes pa esfrutar del ociu, fomentar vezos y relaciones sanes y responder a les moliciones qu’esmolecen a los y les moces d’Avilés”.

Ente les novedaes destaca’l seminariu “Let’s celebrate” que va desenvolver n’ochobre los beneficios del voluntariáu européu y el so valor como ferramienta d’inclusión. Ye xuna de les actividaes programada pa celebrar los 11 años de la Oficina de Movilidá Xuvenil Internacional d’Avilés “Europa Equí”. Cada unu d’estos proyectos ta incluyíu n’una de los cuatro grandes llínees estratéxiques marcaes pol Serviciu de Mocedá.

Más información

  Categories: