Portada Convocatories El Seminariu d’Estudios Asturianos de Belenos sedrá’l 21 y 22 de Payares n’Allande

El Seminariu d’Estudios Asturianos de Belenos sedrá’l 21 y 22 de Payares n’Allande

by redacción asturnews
El gochu de raza asturiano

El XVI Seminariu d’Estudios Asturianos de la Fundación Belenos va celebrase los díes 21 y 22 de payares al rodiu de “El rei de la cubil. El gochu na cultura asturiana”.

El programa d’esti Seminariu d’Estudios Asturianos qu’aconceya a estudiosos de l’antropoloxía y la cultura tradicional asturiana tolos años en La Puela d’Allande entá nun se completara anque ya hai delles ponencies preparaes, menús especiales na fonda La Nueva Allandesa y dalguna sorpresuca más, sigún anuncien na Fundación Belenos.

L’añu pasáu foron la sidre y el vino los protagonistes a finales de payares del Seminariu de Belenos. El preciu de la matrícula ye davezu de 30 euros y la inscripción considérase fecha namái que col ingresu d’esi importe na cuenta bancaria de la Fundación Belenos. Amás, la Fundación ufre la posibilidá d’agospiu opcional en réxime de pensión completa en “La Nueva Allandesa” a un preciu por persona de 60  euros€ (igual que cola matrícula, la reserva queda afitada col ingresu del importe na cuenta de la Fundación Belenos).

Pa más información sobre’l XV Seminariu d’Estudios Asturianos pue contautase cola Fundación Belenos nos teléfonos 985244811 / 616242319 o nel corréu lletrónicu o la páxina de facebook de la Fundación.

 

Tamién te podria gustar