El salón Manga Barcelona presenta la so canal online ‘Manga On Demand’

by redacción asturnews | mayo 8, 2020 9:02 am

El salón Manga Barcelona que prepara la so edición d’esti añu pa la próxima seronda, del 30 d’ochobre al 1 de payares na Fira Barcelona Montjuic, vieno acabante presentar la so canal online ‘Manga On Demand’.

Los organizadores del salón Manga Barcelona, una cita que na edición de 2019 axuntó a más de 150 000 visitantes, confíen en poder celebrar la so edición númberu 26 nes feches previstes pa la próxima seronda, del 30 d’ochobre al 1 de payares en Fira Barcelona Montjuic. si les condiciones sanitaries pol coronavirus dexar.

Asina lo confirmó Meritxell Puig, directora xeneral de Ficomic, la entidá organizadora d’esti eventu en redol a la cultura xaponesa.Puig indicó, sicasí, que van siguir “monitorizando” tolos aspeutos rellacionaos con un eventu d’esta magnitú.

Como complementu al salón, la feria Manga ya presentó la so canal online Manga On Demand al traviés de YouTube, tres l’ésitu de la canal en llínea llanzáu a principios d’abril de Comic Barcelona.

Manga On Demand ufierta “charres con autores, clases de cocina, una repasada a la hestoria de Manga Barcelona o concursos con distintos premios” y tien como oxetivu “caltener viva la esencia de Manga Barcelona, un festival que, non solo pretende entretener, sinón promocionar y sopelexar la cultura del mundu de la manga”.

La programación de Manga On Demand empezó esti martes col concursu “Cosplay at Home”, y siguió esti miércoles col llanzamientu de “VIDEOMATON 25 aniversariu Manga Barcelona”. Esti xueves, Santi Cases, Luis Montes, Ana Oncina, Laia López, Judit Mallol, Raquel Trave, Toni Caballero, Sergio Hernández, Ana C. Sánchez y David Hernando (editor de Planeta Cómic) participaron nuna charra moderada por Oriol Estrada sobro la portada de Planeta Manga nº 4.

La próxima selmana, a partir del martes 12 de mayu, va celebrase un concursu d’entrugues sobro cultura otaku, un concursu que se va repitir el día 20, y el xueves 14 estrénase “El mio Xapón Favoritu”, un espaciu onde convidaos especiales del mundu de la manga van falar sobro esti país y que cunta na so primer entrega con Ken Niimura.

El 15 de mayu estrénase una sección con una clase de cocina xaponesa, y el 19 de mayu estrena El mio Manga Favoritu, un apartáu ónde autores van dar los sos Top 5 de Manga, que va empezar col youtuber Bamf; según el 26 de mayu’l so equivalente para anime, El mio Anime Favoritu, cola collaboración nel so debú de la ilustradora Judit Mallol.

Esta primer programación, provisional y suxeta a posibles cambeos, va rematar el xueves 28 de mayu, con La hestoria de World Cosplay Summit en Manga Barcelona con Nezumi Cosplay, y dende Ficomic avanzaron que nos próximos díes van anunciar más actividaes.

Source URL: http://asturnews.com/el-salon-manga-barcelona-presenta-la-so-canal-online-manga-on-demand/