El Salón Internacional de les Sidres de Gala desenvuélvese esta fin de selmana

Más llagares internacionales, más espaciu pa la Cata Abierta y más cates empuestes son les novedades del VIII SISGA, Salón Internacional de les Sidres de Gala, que va celebrase del 28 al 30 de setiembre en Xixón. Van asistir al congresu, amás de llagares asturianos y del territoriu español, productores de más de 10 países, ente ellos Estaos Xuníos, Reinu Uníu, Alemaña o Xapón.

Esta fin de selmana vuelve un añu más el Salón Internacional de les Sidres de Gala (SISGA’18) que na so octava a edición va axuntar en Xixón a ellaboradores de trés continentes de sidres de copa. L’alcuentru va tener llugar los díes 28, 29 y 30 de setiembre, mientres los cualos, van llevase a cabu diverses actividaes coles mires d’impulsar esti productu qu’acaldía amonta’l so consumu nel mercáu internacional, lo mesmo que de xenerar sinergias ente los llagareros participantes y ampliar les oportunidaes d’esportación.

El día clave pa dar a conocer tolos productos presentáu al SISGA’18 va ser la xornada de Cata Abierta al públicu, el sábadu 29 de setiembre. El llugar volverá ser La Colexata de San Juan Bautista y, a destacar, qu’anguaño s’amplía tamién al Palaciu de Revillaxixéu de Xixón n’horariu de 12:00 a 21:00 hores. La entrada va costar 6 euros y colla facilitaráse xuna copa pa la degustación de los productos. Esta va ser xuna oportunidá única por que’l públicu pueda conocer y probar l’amplia gama de sidres novedoses y derivaos qu’esisten nel mercáu, provenientes de más de 10 países de 3 continentes.