Lliteratura El Salón del Llibru Iberoamericanu pieslla con una evocación de Neruda by asturnet 14 de mayu, 2004 written by asturnet 14 de mayu, 2004 22 El VII Salón del Llibru Iberoamericanu tranca les sos puertes. Depués de cinco xornaes d’intensa actividá con centru nel Antiguu Institutu Xovellanos de Xixón, los cincuenta autores y les 47 cases editores que tomaron parte del certame despídinse d’Asturies con un programa qu’inclúi un homenaxe al poeta chilenu Pablo Neruda y la presentación de sendos llibros de les escritores Susana Fortes y Marta Mori. La pública reconocencia a Neruda ta prevista pal mediudía, al traviés d’un alderique nel que tán llamaos a participar los autores Miguel Rojas Mix, Claude Couffon, Gerardo Caetano y Luis Sepúlveda, esti últimu director amás del Salón. La otra guinda de remate pa la última xornada del certame tien dos cares y dos escenarios: La Llibrería Central acoyerá a les 11,30 la presentación de la obra finalista del últimu Premiu Planeta, ‘El amante albanés’, de Susana Fortes. Pocu depués, a les 13 hores, Marta Mori presentará na Casa’l Llibru el so poemariu ‘Pórticu’, ganador del Premiu Teodoro Cuesta. La clausura oficial del sétimu Salón del Llibru Iberoamericanu ta prevista pa les 18 hores nel patiu del Antiguu Institutu, pero los puestos de venta de llibros allugaos nesi mesmu edificu permanecerán abiertos hasta les 19,30. 0 FacebookTwitterPinterestEmail Anterior Tresona ve peligrar la so nueche de San Xuan, la más multitudinaria de les cites celtes asturianes siguiente El periodismu dixital revísase nel País Vascu dende una perspeutiva local Tamién te podria gustar Payares acueye les XLI Xornaes Internacionales d’Estudiu de... La llangreana Beatriz Quintana gana’l premiu de narrativa... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... Falláu’l Concursu de Microrrelatos “Día del Llibru” d’Avilés Xixón yá tien los meyores cuentos d’escolares con... Alcuentru con Oliva García en XIxón Llectura siguida del Quixote en Xixón Preséntase’l llibru “Estampes d’Asturies” de Manuel Maurín Álvarez Sonia Uría gana’l concursu lliterariu ‘Ensin muyeres, nun...