El Salón del Llibru Iberoamericanu dedicó delles actividaes a la lliteratura asturiana

14 mayu 07:49 2007 Imprimir

Redacción.

El Salón del Llibru Iberoamericanu, qu’esti añu llega a la so edición númberu diez, termina güei a les 19:00 hores. A lo llargo de la tarde van desenrrollase les últimes actividaes nel Antiguu Institutu de Xixón y en dalgunos colexos del conceyu de Xixón, onde escritores como Luis Sepúlveda o Antonio Sarabia van dar a conocer la so obra.

El vienres dedicáronse dalgunos actos a la lliteratura asturiana. Pela mañana, los poemes d’autores asturianos como Berta Piñán, Humberto González o Armando Vega, impresos sobre tresparencies, tuvieron colgaos delantre na mar, nel paseu de San Llorienzo de Xixón. Na playa, dalgunos de los autores escribieron versos sobre l’arena.

Esi mesmu día pela tarde, nel patiu del Antiguu Institutu Xovellanos de Xixón celebróse un recital poeticu nel que participaron Antón García, Ana Vanessa Gutierrez, Berta Piñán y Pablo Antón Marín Estrada. Zárrase asina una nueva edición del Salón del Llibru Iberoamericanu.

  Categories:
Loading Facebook Comments ...