El Salón de Sidres de Gala finó con ésitu la so quinta edición

El Salón de Sidres de Gala finó con ésitu la so quinta edición
03 03:09 2015 Imprimir

La quinta edición del Salón Internacional de Sidres de Gala superose otru añu con una importante representación internacional, participación popular y notable ésitu de los llagares asturianos.

La élite de les sidres de copa d’Europa, los llagares más innovadores y de mayor calidá, la excelencia gastronómica del Restorán El Duque y la participación de cientos d’amantes de la sidra, lo mesmo que de especialistes sumilleres, fixeron d’esti V SISGA un ésitu que supera les meyores mires, con récord de participación internacional y cola presencia de les sidres de copa de mayor calidá esistentes agora mesmu nel mercáu.

Los premios SISGA’15 pel so llau fueron especialmente reñíos, con importante ésitu de los llagares asturianos Panizales, Mayador, Viuda de Angelón, Riestra, Norniella y Cortina, qu’algamaron los primeros puestos nes sos respectives categoríes, compitiendo con una bien importante representación internacional, y con un xuráu nel que la composición asturiana yera de 3 de los 15 miembros, lo que da una idea clara de la so imparcialidá y de la calidá d’estos premios y de xacíu de la de les sidres ganadores.

La Cena de Gala ufiertada pol Restorán El Duque foi espectacular, con un acertadísimo maridaxe de les sidres colos platos presentaos, un entamáu y esmeradísimo serviciu que superó en demasía les dificultaes que supon una cena d’estes característiques con 23 tipos distintos de sidra y la cacía a ello acomuñada.

Loading Facebook Comments ...