Portada Comunicación El Salón de Manga d’Asturies “Nika-Pon” torna a Avilés

El Salón de Manga d’Asturies “Nika-Pon” torna a Avilés

by redacción asturnews

Esta fin de selmana del 8 y 9 d’ochobre torna al Pabellón de La Madalena el Salón de Manga d’Asturies “Nika-Pon” con un centenar d’espositores y numberoses actividaes d’entrada gratuita hasta completar aforu. El Salón ta entamáu pola Asociación Cultural Nika-Dan y el Conceyu d’Avilés.

Tres del gran ésitu collecháu l’añu pasáu, torna a Avilés el Salón de la Manga d’Asturies, Nika-Pon, na so quinta edición, que va celebrase esta fin de selmana de’l 8 y 9 d’ochobre na so see habitual: el Pabellón de Feries y Congresos de La Madalena con entrada llibre y gratuita hasta completar l’aforu.

Entamáu pola Asociación Cultural Nikaku-Dan y el Conceyu d’Avilés, foi presentáu esta mañana por Raquel Ruiz, concejala de Mocedá y Turismu, acompañada por Adrián Santos, presidente de l’Asociación.

En total, nesta edición van asitiase 100 espositores, cuarenta y seis más que l’añu anterior, ente los que s’atopa la empresa FNAC que va doblar el so espaciu, con un ampliu catálogu de cómics manga pa los amantes d’esti xéneru. Amás, na zona de ilustradores y artesanos podrá atopase al artista barcelonés Nil Díaz, especializáu en semeyes realistes de la franquicia Pokémon.

El públicu va poder participar en talleres, concursos y conferencies, y va esfrutar d’exhibiciones de baille y conciertos. El talentu rexonal va tar representáu pola famosa streamer Elesky, quien va ufiertar un conciertu de pianu, y por les cosplayers Shironekoz y Pandebarraw.

Tamién va haber un llugar destacáu pal mundu de los videoxuegos y l’ociu alternativu, con más de 20 consoles instalaes, ente les que s’atopen máquines arcade. Los asistentes van tener la oportunidá de participar en torneos de Street Fighter según asistir a conferencies sobro la hestoria del videoxuegu.

Los amantes de los xuegos súper realistes van tener anguaño, como novedá, xuna zona habilitada de láser tag y realidá virtual. Asina mesmo, va haber un espaciu Bujinkan y otru de ninjutsu (artes ninja) Amás, el certame va cuntar cola presencia de delles asociaciones de Star Wars colos sos ellaboraos traxes.

Más información sobro los conteníos actualizaos del Salón de la Manga d’Asturies en:  http://www.nikakudan.org/p/salon-de la manga.html

Tamién te podria gustar