El Salón de les Sidres presentóse nel pabellón asturianu en Lorient

08 agostu 18:44 2018 Imprimir

El pabellón asturianu n’An Oriant foi l’escenariu onde se presentó esta selmana la ochava edición del SISGA, en delles cates de sidra entames pola dellegación de la Fundación Asturies XXI nel festival. Les cates cuntaron tamién cola participación de llagareros internacionales que tamién tan presentes nel festival de Lorient.

Les presentaciones desenvolviéronse esti llunes y esti miércoles a les 17:30 y nel trescursu de les mesmes los asistentes pudieron esfrutar de la sidre de más d’ochu países. D’Asturies concretamente tuvieron representaes la sidre de los llagares Riestra, Cortina, Castañón, Viuda de Angelón y la sidre de La Naveta.

La sidre caltién el so llugar comu’l productu de mayor importancia nel Festival Intercélticu de la ciudá, tando presente dientru tolos espacios de les naciones celtes, anque la sidre bretona tea perdayuri, en toles xintes ya terraces de chigres. Inclusu esti añu ocupa una avenida entera de sidres de productores bretones de mayor y menor volumen, ú puen apreciase toles tendencies destremaes que sigui’l mundiu sidreru en Breizh.

Loading Facebook Comments ...