El sábadu célebrase’l VIII Día de la Reciella en Xixón

Depués del parón de 2020, obligaos pola pandemia, l’asociación Reciella retoma la celebración nel Muséu del Pueblu d’Asturies en Xixón d’esti día de la reciella que tien tolos años l’apoyu de la Fundación de Cultura, Educación y Universidad Popular, y que consiste nun día completu d’actividaes d’ociu, deporte y cultura, gratuites, dirixíes al publicu infantil y familiar, que tienen l’asturianu como llingua vehicular y nel que colllaboren asociaciones, entidaes y persones de distintos ámbitos.

Esti añu, pola condición sanitaria, prescinden d’una de les actividaes habituales, la carrera familiar Entaína. Y per otru llau, en 2018, l’Ayuntamientu de Xixón aprobó una declaración institucional apoyando la celebración d’esti día y llamando a los y les xixoneses a la participación, qu’esti añu torna repetise.

El programa completu de les actividaes programaes va ser el que vien darréu:

Sábadu 2 d’ochobre de 2021 – Muséu del Pueblu d’Asturies (Xixón)

11.30h Inauguración del VIII Día de la Reciella [TENDAYU]
12.00h Averamientu al xuegu del axedrez [TENDAYU]
Collabora: Belarmino García Suárez del Club “Antonio Rico”
12.30h Cuadrín-exhibición fútbol con neños y neñes [ANFITEATRU]
Collabora: U.C. Ceares y Pelayo de La Xugada (llocutor)
13.00h Exhibición Valtu [TENDAYU]
Collabora: Federación de Lluches Olímpiques y D.A del Principáu d’Asturies.
13.30h Neñes y neños de la Banda de Gaites El Gumial [ANFITEATRU]
14.00h “Llevólu’l Sumiciu” Sesión música electrónica y audiovisuales
14.00h Posa y xinta

16.00h Baille en familia [TENDAYU]
Mercadín de lliteratura y música pa la reciella [PRAU CENTRAL]
Collaboren: La Fabriquina, Pintar-Pintar y Trabe
16.30h Cuentacuentos “Lin sube a Carabín” [TENDAYU]
Collabora: Lluis Aique Iglesias y Pintar-Pintar
17.00h ¿Qué ye’l Cosplay? [TENDAYU]
Collabora: Shiro Ychigo (CosplayPresta)
17.30h Grabamos el to mensaxe al futuru [PRAU CENTRAL]
Entama: CuatroGotes
18.00h Conciertu Kikirikí, canciones pa neñes y neños d’Alicia Álvarez [TENDAYU]
Por: Alicia Álvarez y David Varela
19.00h Pieslle [PRAU CENTRAL]