El sábadu 23 celébrase na Plaza la Catedral el 28 Conciertu pola Oficialidá

El sábadu 23 celébrase na Plaza la Catedral el 28 Conciertu pola Oficialidá
12 abril 09:49 2016 Imprimir

Esti sábadu 23 d’abril, organizáu pola Xunta pola Defensa de la Llingua Asturiana, va facese otru añu más el Conciertu pola Oficialidá, ún de los principales festivales musicales d’Asturies.


Nesta ocasión ta preparáu un cartelu colos grupos Pop Piquiñín, Tuenda, Vrienden, Skontra, Dixebra, Nacho Vegas y el Coru Al Altu la Lleva. Una novedá d’esti añu ye’l sitiu: ye la primer vez que se fai’l conciertu onde la Plaza de la Catedral d’Uviéu y la hora pa empezar la música va ser alredor de les 18:30 (apertura de puertes a les 18:00h).

Les entraes van vendese a 8 euros anticipaes y a 10, na puerta. Les anticipaes van tar a la venta n’Uviéu (L’Esperteyu Chigre Folk, Cervecería Malá Strana), Xixón (Café Trisquel Chigre, Sidrería Canteli), Avilés (El Cafetón), Candás (Pub Creisi), La Pola (L.lena) (La Palmera), La Pola Siero (Abre César), Mieres (L’Abellugu), Grau (Llibrería Las Dos Vías), Arenas (Cabrales) (Sidrería Los Pegoyos), L’Entregu (La Semiente) y Cangas del Narcea (Bar Azul).

La reivindicación y la folixa xúnense una vez más nel Conciertu pola Oficialidá, que promete hores de bona música al mesmu tiempu que s’esixen los derechos que tien que tener la llingua asturiana n’Asturies, sigún se diz na nota de prensa cola qu’esti día se daba anuncia al cartelu d’esti añu.

  Categories:
Loading Facebook Comments ...