Portada Hestoria El RIDEA va acoyer un ciclu de conferencies sobre la guerra de la indepencia n’España

El RIDEA va acoyer un ciclu de conferencies sobre la guerra de la indepencia n’España

by asturnet

El Real Institutu d’Estudios Asturianos va acoyer dende esti xueves 21 de febreru un ciclu de conferencies sobre la guerra de la Independencia d’España. El primer invitáu que va tener oportunidá d’ufrir la so visión del conflictu va ser el catedráticu d’Hestoria Contemporánea de la Universidá de Deusto, Fernando García de Cortázar. La conferencia titúlase “La guerra de la Independencia: Nación y Libertad” y va entamar a les 19.30 hores.

El ciclu ta organizáu pola Fundación Hidrocantábrico y va desendolcase dende agora y hasta mayu. El 6 de marzu, Jose Antonio Escudero López va falar sobre la constitución española de 1812 y la so influencia n’Europa y America. Carmen Iglesias Cano, va tratar, el 3 d’abril, de “Los ilustraos españoles ante la Guerra” y Juan Velarde Fuentes va falar sobre la invasión napoleónica el 17 d’esi mesmu mes. Jose Luis Díez va ser l’encargáu de pone-y el ramu ao programa d’actos,cola ponencia “La guerra de la Independencia en la pintura”.

Tamién te podria gustar