Portada Comunicación El rectoráu pon en marcha la normalización llingüística na Universidá

El rectoráu pon en marcha la normalización llingüística na Universidá

by redacción asturnews

La Universidá d’Uvieu pa poner en marcha una Comisión Asesora de Normalización Llingüística pa la propuesta, desenvolvimientu ya impulsu d’acciones rellacionaes col usu de la llingua asturiana, cumpliendo asina l’equipu rectoral con una de les promeses más nomaes del so programa electoral.

El reglamentu, qu’agora sal a información pública, pa recoyer les suxerencies de la comunidá académica hasta’l próximu 6 de xunu, fixa cómo se realiza la presentación d’escritos, comunicaciones y solicitúes redactaos n’asturianu na Universidá, daqué que ya se faia de manera oficiosa dende va tiempu.

La Comisión Asesora qu’agora se va crear va tar integrada pol delegáu del Rector o’l vicerrector con competencies nesta materia, ocho representantes del colectivu de Personal Docente ya Investigador (PDI), un representante del Personal d’Alministración y Servicios (PAS) y unu más del colectivu d’estudiantes. A les sesiones de la comisión van poder allegase amás, asesores esternos, cuando l’asuntu riquir, con voz pero ensin votu cola fin d’ellaborar, en primer llugar, un plan d’actuación onde se detallen les acciones y prioridaes de la Universidá relatives al usu de la llingua asturiana. Esti nuevu reglamentu va suponer derogar darréu’l reglamentu sobro presentación y recepción d’escritos n’asturianu nel Rexistru de la Universidá que rexía dende 2009.

 

Tamién te podria gustar