El rector va detallar el 23 d’agostu’l cursu universitariu

El rector va detallar el 23 d’agostu’l cursu universitariu
03 agostu 09:50 2021 Imprimir

El rector de la Universidá d’Uviéu, Ignacio Villaverde, caltuvo esti llunes un alcuentru coles direcciones de los centros pa siguir intercambiando impresiones sobre cómo va ser el próximu cursu universitariu, lo que va dar conocer el próximu 23 d’agostu.

La idea de la institución académica ye aplicar lo que llama ‘escenariu verde’, que supondría la vuelta a les aules con normalidá, con una distancia inferior a l’actual. Sicasí, la noticia de va unos díes na’l Gobiernu del Principáu decretaba l’alerta sanitario 2 pol aumentu d’andaes y, sobremanera, pola presión asistencial fai que la determinación nun sía entá tan clara. Por eso, na xunta telemática que caltuvo con toos ellos, comprometióse personalmente a detallar nuevamente esti asuntu’l día 23 d’agostu.

Si l’alerta persiste, entós, la Universidá embaraxa un escenariu entemediu: el de color naranxa. Sería’l mesmu d’una situación epidemiolóxica de riesgu baxo y con una presencialidad atenuada (la intención ye que nun haya semipresencialidad constante, sinón que tolos alumnos, en dalgún momentu, pasen pol aula).

Les actividaes investigadora y docente sedríen presenciales, pero con delles normes. La distancia interpersonal va ser la que s’entiende como “d’exame”; esto ye, los alumnos van ocupar un asientu sí y otru non. Con esta midida, la presencialidá va poder garantizase en munchos centros, pero non en toos y tolos díes. Los más enchíos, como Ciencies y Formación del Profesoráu, podríen tener que buscar espacios alternativos (como yá fixeron en Xeoloxía y Mines), recurrir a númberu de veces o estremar a los alumnos ente clases presenciales y telemátiques. La decisión va corresponder a cada decanu.

  Categories: