El rector ufre la so primer conferencia en llingua asturiana

El rector ufre la so primer conferencia en llingua asturiana
09 13:21 2018 Imprimir

Esti xueves 8 de payares nel salón d’actos del Muséu Arqueolóxicu d’Asturies, el rector de la Universidá d’Uviéu ufrió la so primer conferencia dafehu en llingua asturian. Tuvo acompañáu de Fernando Padilla, director xeneral de Planificación Llingüística y Normalización del Principáu, ya Ignacio Alonso, director del muséu.

«’Na vida nun hai nada que tarrecer, solo hai que comprender’». Con una cita de la dos veces ganadora del Nobel Marie Curie, esti xueves, el rector de la Universidá d’Uviéu, Santiago García Granda, convirtióse nel primeru de la so autoridá en dar una conferencia dafechu en llingua asturiana nos 400 años d’historia de la institución.

‘Notes sobre la investigación na Universidá d’Uviéu’ fue’l títulu d’esa conferencia sobro’l llabor investigador de la Universidá d’Uviéu y en dar valor al asturianu como llingua «tresmisora de cultura». L’actu encuadróse nel octavu ‘Día de les Ciencies Asturianes’, desendolcáu pola Conseyería d’Educación y Cultura. García Granda faló de los 22.000 estudiantes, 1.867 investigadores, 7 campus en 4 ciudaes, 10 facultaes, 58 departamentos, 57 graos y 59 másteres que tien la Universidá. En 2017, la Fundación Universidá d’Uviéu soscribió un total de 434 contratos d’investigación, nos que participen 379 investigadores de 30 departamentos, asina como 301 entidaes de cálter públicu y priváu, 24 d’elles d’ambitu internacional».

Fernando Padilla, pela so parte, llamó a otres autoridaes a garrar exemplu de García Granda y afalagolu pol so preste en  que  s’implante un grau en Filoloxía Asturiana na Facultá d’Humanidades d’Uviéu que se sume al minor y al máster que yá ufierta la institución pa los estudiantes de dalguna de les filoloxíes. Un deseyu que verbalizó dafechu: “La Universidá tien la obligación d’atender, cultivar y difundir la llingua asturiana”.