El rector remembró a Heaney n’asturianu na apertura del cursu académicu

13 setiembre 09:35 2016 Imprimir

El rector de la Universidá d’Uviéu, Santiago García-Granda remembró al premiu nobel irlandés Seamus Heaney nun discursu nel qu’emplegó l’asturianu na apertura del cursu académicu 2016-2017.

Nun discursu nel que’l rector fizo un repasu de los llogros del curus pasáu, Santiago García-Granda caltuvo’l so apueste pol trillinguismu y exemplificó nos versos del irlandés Seamus Heaney el so obxetivu de llograr facer un camín colos “güeyos llimpios” y dexando atrás la escuridá.

El rector refirióse al premiu Nobel como  “veraneante enamoráu d’esta tierra” que dexó bien a les clares que “la cultura global, la cultura universal, ye la suma de les cultures llocales” y que “la meyor forma de progresar ye nortiando. Pero nortiaramás de mirar pal cielu, pal horizonte [pa orientase] tien n’asturianu también el significáu d’andar d’un llau pa otru ensin facer nada, perdiendo’ltiempu”. Y darréu dexó afitao que’l so enfotu yera “desaniciar el segundu significáu del nuesu diccionariu y orientanos pa sobrevivir a les dificultaes del futuru mirando lloñe con responsabilidá”.

Santiago García Granda retomó a lo postrero los versos del Nobel de Literatura, Seamus Heaney, “Keep your eye clear, as the bleb of the icicle“ que traduxo de forma llibre por “Caltién los tos güeyos nidios, claros y vivos, llimpios y saludables, como les burbuxes del carámpanu” y tres deseyar un bayurosu cursu académicu ufrió muncha salú y munchu ésitu a los presentes.

 

 

 

  Categories:
Loading Facebook Comments ...