Portada Educación El rector llamenta los «recurrentes retrasos» nes beques Severo Ochoa

El rector llamenta los «recurrentes retrasos» nes beques Severo Ochoa

by redacción asturnews

Un retrasu xeneráu pol altu númberu de solicitúes recibíes -unes 220- y por un cambéu na xestión son los motivos que provocaron qu’inda non se convocaron les beques Severo Ochoa destinaes a impulsar la investigación predoctoral y el rector llamentábalo esti día fondamente.

Desplicábalo’l xueves en Mieres la directora xeneral d’Universidaes ya Investigación, Cristina Valdés, quien anunció una solución «en poques selmanes», pero ensin especificar plazos concretos. Y cafiante col asuntu amosábase’l rector de la Universidá d’Uviéu. Santiago García Granda qu’afirmó que «resulta chocante que zarapiquemos con estes temes de forma recurrente en toles convocatories». Señaló que «yá perdimos casi una convocatoria y agora hai nuevos retrasos, ye incomprensible al tratase de programes estabilizaos y esto perxudica enforma a los mozos, a la institución y al sistema d’investigación rexonal», llamentó.

Dambos responsables coincidíen nel actu d’apertura de la novena edición de les Xornaes d’Innovación Docente nel campus mierense, un espaciu de comunicación ya intercambiu pa los comenenciudos na innovación educativa, la enseñanza ‘online’ y les nueves metodoloxíes. «Tarrezo que na Universidá llegamos un pocu xustos y tendríamos de faer un esfuerzu. Por eso tamos especializando la Área d’Innovación na modernización de les ferramientes docentes, pos creo que ye ende onde debemos de poner el focu», almitía’l rector.

Tamién te podria gustar