El rector confía apautar la titulación d’Organización Industrial

El rector confía apautar la titulación d’Organización Industrial
17 xineru 13:25 2018 Imprimir

La propuesta de la Universidá d’Uviéu, a instancies de la Escuela Politécnica d’Inxeniería (EPI) de Xixón, pa enllantar la titulación d’Inxeniería d’Organización Industrial sigui sumando sofitos y el rector diz confíar n’apautar la titulación d’Organización Industrial.

Ayeri martes foi’l Conseyu de Gobiernu de la institución académica’l que repitió’l so respaldu a un grau al que yá diera’l vistu bonu’l 4 d’ochobre y esti miércoles, nel Plenu, van ser los seis grupos municipales los qu’aprueben una declaración institucional de sofitu a la ufierta d’estos estudios nel campus de Xixón. La situación ta meyorando socialmente enforma dempués de que la Conseyería d’Educación diera a conocer hai malpenes diez díes la so negativa, por escasa demanda, a un títulu que la Universidá esperaba poder ufiertar nel cursu 2018-2019.

El rector, Santiago García Granda, en conociendo la inédita decisión del Principáu aseguró nun dar por perdida la batalla, y amosóse ayeri optimista al respective de les posibilidaes d’algamar un alcuerdu col Gobiernu rexonal que dexe, finalmente, enllantar estos estudios na Universidá d’Uviéu. Unos estudios que yá s’impartieron na EPI ente 1994 y 2001 y sumieron pola reestructuración que llevó implícitu’l Plan Bolonia. Ante los integrantes del Conseyu de Gobiernu de la Universidá, García Granda negó atopse nun escenariu de confrontación col Principáu y espresó el so enfotu en que les negociaciones col departamentu que dirixe Genaro Alonso lleguen a bon puertu.

  Categories: