El rector apura’l contratu-programa al Principáu pa faer tornar el talentu

El rector de la Universidá d’Uviéu, Santiago García Granda, reclamó nel día de Santu Tomes de Aquino, patrón de la Universidá, celeridá na firma del contratu-programa, el financiamientu extra que recibiría la institución académica en función de la meyora por oxetivos.

‘Espero que nun sigamos a la espera dientro de seis meses o un añu’, señaló García Granda antes d’empezar l’actu académicu. Mas de dos años lleva la Universidá solicitando esti alcuerdu al Principáu que, segun García Granda, de nun habelo, nun se pondría en riesgu a la institución, pero si perdería una oportunidá d’aprovechar tol so potencial’.

Na so intervención apuntó que l’equipu rectoral yá presentó’l documentu al Gobiernu rexonal el pasáu 21 d’avientu, que pasa por ameyorar la formación, la investigación y la tresferencia de conocencia a la empresa, la modernización de recursos y de xestión y l’empleabilidá. «En dellos casos, los marxes de meyora, dixo, lleguen al 20%». Precisamente, nesti últimu aspeutu, la empleabilidá, punxo la énfasis nel so discursu.