El recital llíricu d’Amigos d’Alfredo Kraus torna a Uviéu

El recital llíricu de l’Asociación Llírica Asturiana Amigos d’Alfredo Kraus torna a Uviéu. El conciertu, que va ser gratuitu, va tener llugar, nel Auditoriu, el próximu sábadu día 25, cola mezzosoprano, Ana Victoria Pitts y el pianista asturianu, Marcos Suárez. La conceyala Yolanda Vidal presentó’l recital esti llunes pela mañana.

La conceyala d’Educación, Yolanda Vidal, presentó esti llunes pela mañana, en rueda de prensa, el conciertu que se va celebrar esti sábadu, día 25, a les 20 hores, nel Auditoriu “onde va intervenir la mezzosoprano brasileña Ana Victoria Pitts y el pianista asturianu Marcos Suárez” y anunció que “que nun va venir el conferenciante previstu  por causa d’una enfermedá”.

Acompañaron a la edil el presidente de l’Asociación Llírica Asturiana Amigos d’Alfredo Kraus, Carlos González y Marta García Suárez, secretaria de la entidá. “Tamos bien contentos porque dende va cuatro años, por desavenencies col anterior conceyal de Cultura, nun pudiéramos venir a Uviéu, a la nuesa see. Celebramos el restablecimiento de les relaciones cola corporación. Por eso faemos esti recital gratis”, indicó’l presidente de la entidá.

Al respective de la mezzo, Ana Victoria Pitts, brasileña y afincada n’Italia, Carlos Suárez aseguró que “ye una muyer qu’empieza la so carrera pero que tien una gran calidá. El so compañeru nun va poder venir dar la conferencia prevista por enfermedá. Y el asturianu Marcos Suárez va acompañar al pianu”.